திருக்குறள்
நட்பு (Source TN Textbook)
பொருட்பால்
அதிகாரம்(79)
பொருள்- நட்பியல்
வினைக்கரிய யாவுள காப்பு.
விளக்கம்: நட்பை கொண்டு செய்கின்ற செயலுக்குச் சிறந்த
பாதுகாப்பு உண்டு.
2.நிறைநீர நீரவர் கேண்மை பிறைமதிப்
பின்நீர பேதையார் நட்பு.
விளக்கம்: அறிவுடையவர்களின் நட்பு வளர்பிறை போல வளர்ந்து
கொண்டு போகும்.அறிவு இல்லாதவர்கள் நட்பு தேய்பிறை போல தேய்த்துக் கொண்டு போகும்.
3.நவில்தொறும் நூல்நயம் போலும் பயில்தொறும்
பண்புடை யாளர் தொடர்பு.
விளக்கம்: நல்ல நூல்களை கற்கக் கற்க இன்பம் தரும்.அதுபோல
பண்புடையவர்களின் பழகக் பழக இன்பம் தரும்.
4.நகுதல் பொருட்டன்று நட்டல் மிகுதிக்கண்
மேற்சென்று இடித்தற் பொருட்டு.
விளக்கம்: நட்பு என்பது பேசி சிரிப்பதற்கு மட்டுமல்ல, மற்றவர்கள் செய்யும் தவறுகளை கூறி அவர்களை திருத்தவும் நட்பு
உதவும்.
5.புணர்ச்சி பழகுதல் வேண்டா உணர்ச்சிதான்
நட்பாங் கிழமை தரும்.
விளக்கம்: ஒருவரோடு ஒருவர் பேசி பழகுவது நட்பு
ஆகாது.அவர்களோடு ஒத்த மனப்பான்மையோடு செயல்படுவதே நட்பு ஆகும்.
6.முகநக நட்பது நட்பன்று நெஞ்சத்து
அகநக நட்பது நட்பு.
விளக்கம்: முகம் மட்டும் மலருவது நட்பாகாது,உள்ளமும் மலரும்படி அன்பு கொண்டு நடப்பதே நட்பு ஆகும்.
7.அழிவி னவைநீக்கி ஆறுய்த்து அழிவின்கண்
அல்லல் உழப்பதாம் நட்பு.
விளக்கம்: நண்பன் தீய வழியில் சென்றால் அவனை நல்ல வழியில்
நடக்க செய்வதும், அவனுக்கு ஒரு
துன்பம் என்றால் தானும் வருந்துவதே நட்பு.
8.உடுக்கை இழந்தவன் கைபோல ஆங்கே
இடுக்கண் களைவதாம் நட்பு.
விளக்கம்: நண்பனுக்குத் துன்பம் ஏற்பட்டால் அதை நீங்கி
அவனுக்கு உதவி செய்வதே உண்மையான நட்பாகும்.
9.நட்பிற்கு வீற்றிருக்கை யாதொனின் கொட்பின்றி
ஒல்லும்வாய் ஊன்றும் நிலை.
விளக்கம்: எந்த ஒரு எதிர்பார்ப்பும் இன்றி நண்பனுக்கு உதவி
செய்து தாங்குவது சிறந்த நட்பாகும்.
10.இனையர் இவர்எமக்கு இன்னம்யாம் என்று
புனையினும் புல்லென்னும் நட்பு.
விளக்கம்: இவர் எனக்கு இத்தன்மையானவர்,நாம் இவர்க்கு இத்தன்மையானவர் என்று ஒருவரை ஒருவர்
புகழ்ந்து பேசுவதால் நட்பு தன் சிறப்பை இழந்து விடும்.
No comments:
Post a Comment