TN TRB BLOCK EDUCATIONAL OFFICER 2023 (வட்டாரக் கல்வி அலுவலர்) - தமிழ் இலக்கணம்

    BLOCK EDUCATIONAL OFFICER

 (வட்டாரக் கல்வி அலுவலர்)

   Part I

         தமிழ்

இலக்கணம்

சுட்டு எழுத்துகள், வினா எழுத்துகள்

சுட்டு எழுத்துகள்

v  அவன், இவள், அங்கு, இங்கு, அந்த, இந்த – சுட்டு சொற்கள்

v  இவை ஒன்றை சுட்டிக் காட்டுகின்றன.

v  அவை சுட்டிக் காட்டுவதற்கு அதில் வரும் முதல் எழுத்து ஆகிய அ, இ எழுத்துகளே காரணம்.

v  ஒன்றைச் சுட்டிக் காட்ட உதவும் எழுத்துகள் சுட்டு எழுத்துகள் ஆகும்.

v  அ, இ, உ – சுட்டு எழுத்துகள்

v  இதில் ‘உ’ என்னும் எழுத்தை சுட்டு எழுத்தாக பயன்படுத்துவது இல்லை.

v  சுட்டு எழுத்துகள் ஐந்து வகைப்படும். அவை,

F அகச்சுட்டு

F புறச்சுட்டு

F அண்மைச்சுட்டு

F சேய்மைச்சுட்டு

F சுட்டுத்திரிபு

அகச்சுட்டு

è இவன், அவன், இது, அது – சுட்டு எழுத்துகளை நீக்கினால் பிற எழுத்துகள் பொருள் தராது.

è சுட்டு எழுத்து சொற்கள் உள்ளே இருந்து பொருள் தருவது அகச்சுட்டு ஆகும்.

புறச்சுட்டு

è அவ்வானம், இம்மலை, இந்நூல் – சுட்டு எழுத்துகளை நீக்கினால் பிற எழுத்துகள் பொருள் தரும்.

è சுட்டு எழுத்து சொற்கள் வெளியே இருந்து பொருள் தருவது புறச்சுட்டு ஆகும்.

அண்மைச்சுட்டு

è இவன், இவர், இது, இவை, இம்மரம், இவ்வீடு – இச்சொற்கள் அருகில் உள்ளவற்றைச் சுட்டுகின்றன.

è எனவே இது அண்மைச்சுட்டு ஆகும்.

è அண்மைச்சுட்டுக்குரிய எழுத்து ‘இ’ ஆகும்.

சேய்மைச்சுட்டு

è அவள், அவர், அது, அவை, அவ்வீடு, அம்மரம் - இச்சொற்கள் தொலைவில் உள்ளவற்றைச் சுட்டுகின்றன.

è எனவே இது சேய்மைச்சுட்டு ஆகும்.

è சேய்மைச்சுட்டுக்குரிய எழுத்து ‘அ’ ஆகும்.

சுட்டுத்திரிபு

è அம்மரம், இவ்வீடு – ஆகிய சொற்கள் புறச்சுட்டுகள், இதனை அந்த மரம், இந்த வீடு என்றும் அழைப்பர்.

è அ, இ ஆகிய சுட்டு எழுத்துகள் மாற்றம் பெற்று அந்த, இந்த என வழங்குகின்றன.

è அ, இ ஆகிய சுட்டு எழுத்துகள் அந்த, இந்த எனத் திரிந்து பொருளைத் தருவது சுட்டுத்திரிபு ஆகும்.

வினா எழுத்துகள்

v  எ, யா, ஆ, ஓ, ஏ – ஐந்தும் வினா எழுத்துகள்

v  வினாப்பொருளைத் தரும் எழுத்துகள் வினா எழுத்துகள் ஆகும்.

v  சில வினா எழுத்துகள் சொல்லின் முதலில் வரும். சில வினா எழுத்துகள் சொல்லின் இறுதியில் வரும்.

F எ, யா (எங்கு, யாருக்கு) – மொழியின் முதலில் வரும் எழுத்துகள்

F ஆ, ஓ (பேசலாமா, தெரியுமோ) - மொழியின் இறுதியில் வரும் எழுத்துகள்

F ஏ (ஏன், நீதானே) - மொழியின் முதலிலும் இறுதியிலும்

வரும் எழுத்துகள்

v  வினா எழுத்துகள் இரண்டு வகைப்படும். அவை,

F அகவினா

F புறவினா

அகவினா

è எது, யார், ஏன் – வினா எழுத்துகளை நீக்கினால் பிற எழுத்துகள் பொருள் தராது.

è வினா எழுத்துகள் சொல்லின் உள்ளே இருந்து வினா பொருளைத் தருவது அகவினா ஆகும்.

புறவினா

è அவனா? வருவானோ? – இதில் உள்ள ஆ, ஓ எழுத்துகளை நீக்கினால் பிற எழுத்துகள் பொருள் தரும்.

è வினா எழுத்து சொல்லின் வெளியே இருந்து வினா பொருளைத் தருவது புறவினா ஆகும்.